Հայաստանի շախմատի ակադեմիայում երեկ ամփոփվեցին 2025թ.-ի շախմատային արդյունքները: Միջոցառմանը ներկա էր Հայաստանի շախմատի ֆեդերացիայի ղեկավար կազմը՝ ֆեդերացիայի նախագահ Սերժ Սարգսյանի գլխավորությամբ:
Ֆեդերացիայի գործադիր տնօրեն Արմեն Գևորգյանը հատուկ մրցանակներ է հանձնել Եվրոպայի մինչև 14տ. առաջնության փոխչեմպիոն Տիգրան Համբարձումյանին և Եվրոպայի մինչև 18տ. առաջնության չեմպիոն Վահե Սուքիասյանին:
Խրախուսական մրցանակների են արժանացել նաև նրանց անձնական մարզիչ, գրոսմայստեր Տիգրան Հարությունյանը, ինչպես նաև մանկապատանեկան հավաքականի գլխավոր մարզիչ, շախմատի համաշխարհային օլիմպիադաների կրկնակի չեմպիոն, գրոսմայստեր Արտաշես Մինասյանը: Եվրոպայի առաջնության մրցանակակիրներին և նրանց մարզչին պարգևատրեց նաև Հայաստանի շախմատի ֆեդերացիայի խորհրդի անդամ Աղասի Ինանցը:
Ֆեդերացիան միջոցառման ընթացքում հիշատակել է նաև հաջող խաղով աչքի ընկած մեր մյուս ներկայացուցիչների անունները՝ բոլորին մաղթելով մարզական նորանոր հաջողություններ:
