Հայաստանը Գերմանիայից կստանա 152 մլն եվրոյի աջակցություն: Հայաստան-Գերմանիա միջկառավարական հանձնաժողովների համատեղ նիստի արդյունքը։
Այս մասին հայտնել է Էկոնոմիկայի նախարար Գևորգ Պապոյանը:
«Գերմանիայի կառավարությունը 152 միլիոն եվրոյի աջակցություն կտրամադրի Հայաստանին։ Ահա այն հիմնական արդյունքը, որին հասանք Բեռլինում Հայաստան-Գերմանիա միջկառավարական հանձնաժողովի համատեղ նիստի ընթացքում, որը հայկական կողմից ղեկավարում եմ ես: Այդ 152 մլն եվրոյից 18 մլն եվրոն անհատույց գրանտային միջոցներ են, իսկ 134 մլն-ը՝ շատ ցածր՝ 0-ից մի փոքր բարձր տոկոսադրույքով վարկային միջոցներ են»,-ասաց Պապոյանը:
Պապոյանը տեղեկացրեց, որ այդ ամբողջ գումարն ուղղելու են Հայաստանում փոքր ու միջին ձեռնարկատիրության զարգացմանը, վերականգնվող էներգետիկայի և ջրային համակարգերի զարգացմանն ու Հայաստանի տնտեսության բազմաթիվ կարևոր խնդիրների լուծմանը:
