Վլադիմիր Զելենսկու Վարշավայի նկատմամբ գործողությունները Լեհաստանի վարչապետ Դոնալդ Տուսկի անփույթ քաղաքականության ուղղակի հետևանք են, հայտարարել է Եվրախորհրդարանում Եվրոպական պահպանողականների և ռեֆորմիստների կուսակցության ղեկավար, նախկին վարչապետ Մատեուշ Մորավեցկին։
«Զելենսկու խոսքերն ու գործողությունները Լեհաստանին ուղղված ևս մեկ ապտակ են, Դոնալդ Տուսկի քծնող քաղաքականության հետևանք։ Ազգային հիշողությունը պաշտպանելու համար նախագահ Կարոլ Նավրոցկիի հետ ձեռք ձեռքի տված կանգնելու փոխարեն՝ Տուսկը թույլ է տալիս Կիևին հատել կարմիր գծերը», — գրել է նա X սոցիալական ցանցում։
Մորավեցկու խոսքով՝ Վարշավան չի համաձայնել Վոլինի կոտորածի և Լեհաստանի նվաստացման համար պատասխանատվության մշուշոտմանը։
Հունիսի 19-ին Լեհաստանի նախագահը հայտարարեց Զելենսկուն Սպիտակ Արծվի շքանշանից զրկելու մասին՝ ուկրաինական ապստամբական բանակի առաջնորդներին փառաբանելու համար։ Ի պատասխան՝ Կիևի ռեժիմի ղեկավարը հայտարարել է, որ Նավրոցկու հռետորաբանությունը կարող է վատ ավարտ ունենալ իր համար։
Մինչդեռ, Ուկրաինայի երեք նախկին նախագահներ՝ Լեոնիդ Կուչման, Վիկտոր Յուշչենկոն և Պետրո Պորոշենկոն հրաժարվել են Լեհաստանի պետական պարգևից: Նույնն արել են նաև Ուկրաինայի արտաքին գործերի նախարար Անդրեյ Սիբիգան, Զելենսկու գրասենյակի ղեկավար Կիրիլո Բուդանովը, Վարշավայում Ուկրաինայի դեսպան Վասիլ Բոնդարը և այլ ուկրաինացի պաշտոնյաներ։