Հոկտեմբերի 13-ին՝ ժամը 13։31-ին, Արմավիրի մարզային օպերատիվ կառավարման կենտրոն ահազանգ է ստացվել, որ Արմավիր քաղաքի Երևանյան փողոցում այրվում է շինանյութի պահեստ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից չորս մարտական հաշվարկ։
Հրդեհը մեկուսացվել է ժամը 13։51-ին, մարվել՝ 14։25-ին․ այրվել է շինանյութ։
Հրշեջ-փրկարարները կանխել են հրդեհի տարածումը դեպի պահեստի մյուս հատվածներ և հարակից խանութ։
