Հռոմի պապ Լեւոն XIV-ը ուղերձ է հղել «Զայեդ» մարդկային եղբայրության մրցանակաբաշխության կապակցությամբ։
Դիմելով Փաշինյանին, Ալիևին և մրցանակաբաշխության հեղինակներին՝ Հռոմի պապը նրանց անվանել է «հույսի սերմնացաններ այն աշխարհում, որը չափազանց հաճախ պատեր է կառուցում կամուրջների փոխարեն»։
«Անտարբերության հեշտ ճանապարհի փոխարեն համերաշխության փշոտ ճանապարհը ընտրելով՝ նրանք ցույց տվեցին, որ նույնիսկ ամենախորը բաժանումները կարող են բուժվել կոնկրետ գործողությունների միջոցով։
Նրանց աշխատանքը ցույց է տալիս նրանց համոզմունքը, որ եղբայրության լույսը կարող է հաղթահարել եղբայրասպանության խավարը»,- նշել է Պապը։