Եմենի «Անսար Ալլահ» (հութիական) շարժումը երկու բալիստիկ հրթիռային հարված է հասցրել Սաուդյան Արաբիայի մայրաքաղաք Ռիադի «Խալիդ թագավորի» միջազգային օդանավակայանին և ֆինանսական կենտրոնին, հայտնել է շարժման ռազմական խոսնակ Յահյա Սարիան։
«Մեր զինված ուժերը երկու բալիստիկ հրթիռային հարված են հասցրել «Խալիդ թագավորի» միջազգային օդանավակայանին և Ռիադի ֆինանսական կենտրոնին։ Գործողությունը հաջողությամբ կատարվել է», — ասել է Սարիան իր Telegram ալիքում հրապարակված հայտարարության մեջ։
Կիրակի օրը ավելի վաղ սաուդյան իշխանությունները հայտնել են, որ խափանել են հութիների կողմից Ռիադի ուղղությամբ արձակված երկու բալիստիկ հրթիռ։
