Իրանի արտաքին գործերի նախարար Աբբաս Արաղչին հայտարարել է Արևմուտքի հետ տարաձայնությունները հարթելու համար կառուցողական բանակցություններ վարելու Թեհրանի պատրաստակամության մասին՝ ընդգծելով, որ բանակցությունները պետք է հիմնված լինեն փոխադարձ հարգանքի, այլ ոչ թե ճնշումների և սպառնալիքների վրա։
Ինչպես նշում է tasnimnews.com-ը, Արաղչին դատապարտել է Արևմուտքի նոր պատժամիջոցները, որոնք սահմանվել են այն պատրվակով, որ Թեհրանը զենք է մատակարարել Ռուսաստանին։
Արևմտյան կառավարություններին հիշեցնելով պատժամիջոցների անիմաստությունը՝ արտգործնախարարը հայտարարել է, որ իրենք չեն կարող Իրանին պարտադրել իրենց կամքը՝ դիմելով պատժամիջոցների։
Իրանը միշտ կողմ է եղել երկխոսությանը և երբեք չի խուսափել կառուցողական բանակցություններից՝ տարաձայնությունները լուծելու համար, ասել է Արաղչին՝ նշելով, որ Իրանը պատրաստ է բանակցությունների՝ փոխադարձ հարգանքի, այլ ոչ թե սպառնալիքների և ճնշումների հիման վրա։
Նա քննադատել է պատժամիջոցները՝ դրանք որակելով որպես առճակատման և ճնշում գործադրելու ձախողված գործիք։
