Թեհրանը Վաշինգտոնից կոնկրետ առաջարկներ չի ստացել Օմանում կայացած բանակցությունների ժամանակ: Այդ մասին չորեքշաբթի հայտարարել է Իրանի ազգային անվտանգության բարձրագույն խորհրդի քարտուղար Ալի Լարիջանին:
«Մենք Վաշինգտոնից որևէ կոնկրետ առաջարկ չենք ստացել։ Օմանում բանակցությունների ընթացքում մենք հաղորդագրություններ ենք փոխանակել», — «Ալ Ջազիրա»-ին ասել է Լարիջանին։
Նա նշել է, որ ԱՄՆ-ի հետ բանակցությունները շարունակվում են, Իրանը դրական է տրամադրված, և տարածաշրջանի երկրները հույս ունեն բանակցային գործընթացում հաջողության հասնելու։
Ուրբաթ օրը ԱՄՆ-ի և Իրանի պատվիրակությունները Օմանի Մասկատ քաղաքում բանակցություններ են վարել Իրանի միջուկային ծրագրի շուրջ։
Օմանի միջնորդությամբ կայացած հանդիպումը առաջինն էր բանակցային գործընթացի ամիսներ տևած դադարից հետո, որը առաջացել էր 2025 թվականի հունիսին Իրան-Իսրայել հակամարտության բաց փուլի պատճառով։ Այդ ժամանակ Իսլամական Հանրապետությունը և Միացյալ Նահանգները խորհրդակցությունների հինգ փուլ էին անցկացրել։
ԱՄՆ նախագահ Դոնալդ Թրամփը հունվարի 28-ին հայտարարել է, որ ամերիկյան նավերի «նավատորմը» շարժվում է դեպի Իրան՝ հույս հայտնելով, որ Թեհրանը կհամաձայնի նստել բանակցությունների սեղանի շուրջ և հասնել «գործարքի», որը ենթադրում է միջուկային զենքից լիակատար հրաժարում։
