«Հայաստան» խմբակցության պատգամավոր Գեղամ Մանուկյանը հանդես է եկել քննադատությամբ՝ անդրադառնալով իրավապահ մարմինների գործողություններին և դրանցից առաջացած հանրային անվստահությանը։
Մանուկյանը նշել է, որ իրավապահ համակարգում բարոյական նորմերի անկումն այնքան մեծ է, որ նույնիսկ չի հաշվի առնվում, թե ում են ձերբակալում, ինչն, ըստ նրա, վնասում է հանրային վստահությանը և հարուցում անվստահություն պետական կառույցների նկատմամբ։
Այլևս իրավապահ մարմինների հարուցած քրեական գործերն այնքան անվստահություն են հարուցում, որ որևէ մեկը որևէ բանի չի վստահում, և, բնականաբար, այս դեպքում ակնառու քաղաքական շարժառիթ է։
Այս մասին լրագրողների հետ ճեպազրույցին ասել է «Հայաստան» խմբակցության պատգամավոր Գեղամ Մանուկյանը։
«Ուղղակի իրավապահ համակարգում մարդկային բարոյական բոլոր նորմերն այնքան են անկում ապրել, որ նույնիսկ հաշվի չեն առնում՝ ում են ձերբակալում։ Հարյուրավոր երիտասարդներ ուսանել են Գալստյան Խաչիկի դասախոսություններով, և գիտեմ, թե ինչ վերաբերմունք ունեն նրա նկատմամբ։ Դրանից հետո թող միջազգային հարաբերությունների, հանրային կառավարման ֆակուլտետում որևէ դասախոս, որ ձայները կտրում են այս անարդարություններից, թող դասավանդեն, ենթադրենք, «Ժողովրդավարությունը Հայաստանում», տեսնենք՝ ուսանողներն ինչ վստահությամբ են լսելու այդ դասերը»,- ասաց նա։
