Կանադան «շատ, շատ արագ» կվերադառնա բանակցությունների սեղանի շուրջ․ Դաֆի

Կանադայի վարչապետ Մարկ Քարնին «շատ, շատ արագ» կվերադառնա բանակցային սեղանի շուրջ Միացյալ Նահանգների հետ՝ առևտրային համաձայնագրի ձախողումից հետո, կանխատեսում է ԱՄՆ տրանսպորտի նախարար Շոն Դաֆին։

Միացյալ Նահանգները և Կանադան չեն կարողացել համաձայնության գալ առևտրային համաձայնագրի շուրջ և միմյանց մեղադրել են բանակցությունների ձախողման համար։ Վաշինգտոնը 50 % մաքսատուրք է սահմանել մի շարք կանադական ապրանքների վրա, իսկ Օտտավան խոստացել է պատասխանել նմանատիպ միջոցներով։

«Մարկ Քարնին շատ, շատ արագ կվերադառնա բանակցային սեղանի շուրջ, քանի որ դա աղետալի կլինի իր երկրի համար», — ասել է Դաֆին Fox News-ի եթերում։

ԱՄՆ նախագահ Դոնալդ Թրամփը նախկինում հայտարարել էր, որ Կանադան ցանկանում է արտոնություններ, կարծես թե ԱՄՆ նահանգ լինի, չնայած որ չէ։ Նա նաև քննադատել է Կանադային տարիներ շարունակ ամերիկացի ֆերմերների վրա մաքսատուրքեր սահմանելու համար։