Փետրվարի 3-ին Քրեական ոստիկանության Տավուշի մարզային վարչությունում օպերատիվ տեղեկություն է ստացվել, որ Գետահովիտ գյուղի բնակիչ 66-ամյա մի տղամարդ «Դարբանդ» կոչվող տարածքում աճեցրել է կանեփ, պատրաստել թմրանյութ և այն պահում է իր տանը։
Նույն օրը նա հրավիրվեց վարչություն և խոստովանեց։
Նախաձեռնված քրեական վարույթի շրջանակում տղամարդու տանը կատարված զննությամբ հյուրասենյակում և նկուղում հայտնաբերվեց ընդհանուր մոտ 133 գրամ մարիխուանա։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգովդատարանի օրինական ուժի մեջ մտած դատավճռով:
