Կիևի տարածքի ավելի քան 75 տոկոսը մնացել է առանց էլեկտրաէներգիայի, հայտնում է ուկրաինական Страна պարբերականը: Անջատումները նկատվում են մայրաքաղաքի բոլոր շրջաններում:
Ուկրաինական էներգետիկ ընկերություն DTEK–ի տվյալներով՝ հունվարի 20-ի առավոտյան գիշերային հարձակումից հետո Կիևում 335 000 տնային տնտեսություն զրկվել է լույսից, որոնցից 173 000-ն էլ առայժմ շարունակում են մնալ անջատված:
Ավելի վաղ ՌԴ պաշտպանության նախարարությունը հայտնել էր, որ ի պատասխան Ուկրաինայի կողմից Ռուսաստանի քաղաքացիական օբյեկտների վրա իրականացված ահաբեկչական հարձակումներին՝ ՌԴ Զինված ուժերը զանգվածային հարվածներ են հասցրել էներգետիկայի և տրանսպորտային ենթակառուցվածքների այն օբյեկտներին, որոնք օգտագործվում են Ուկրաինայի զինված ուժերի կարիքների համար: Նախարարությունում ընդգծել են, որ բոլոր նշանակված թիրախները հաջողությամբ խոցվել են:
