Կիպրոսի մոտ լաստանավի վթարի հետևանքով զոհերի թիվը հասել է 13-ի, իսկ 15 անհետ կորածի որոնումները շարունակվում են, հաղորդում է CNN Türk-ը։
Օգոստոսի 30-ին 259 ուղևոր և անձնակազմի ութ անդամ տեղափոխող լաստանավը խորտակվել է ծովում՝ Կիրենիայի (Գիրնե) ափից 2.5 կիլոմետր հեռավորության վրա, Հյուսիսային Կիպրոսի Թուրքական Հանրապետությունում, որը ճանաչվում է միայն Թուրքիայի կողմից։
«Հյուսիսային Կիպրոսի ափերի մոտ խորտակված ուղևորատար նավի զոհերի թիվը հասել է 13-ի՝ ևս մեկ դիակի հայտնաբերումից հետո, և 15 անհետ կորածի որոնումները շարունակվում են», — հաղորդել է հեռուստաալիքը։
Որոնողական-փրկարարական գործողություններին մասնակցում են Թուրքիայից ուղարկված նավեր և այլ ստորաբաժանումներ։ Փրկարարները շարունակում են ուսումնասիրել ծովը և նավի խորտակման տարածքը։
Հեռուստաալիքի տվյալներով՝ աղետից հետո անհետ կորած է մնում 15 ուղևոր։ Որոնողական աշխատանքները շարունակվում են։
Աղետի հետաքննության շրջանակներում նախկինում ձերբակալվել է նավի անձնակազմի ինը անդամ, այդ թվում՝ կապիտանը։ Հետաքննությունը տարվում է թուրքական իշխանությունների հետ համակարգված։
