Կիևի քաղաքապետ Վիտալի Կլիչկոն հայտնել է ռուսական ռազմական հարվածից հետո էներգետիկ ճգնաժամային իրավիճակի մասին։
«Մայրաքաղաքի էլեկտրամատակարարման վիճակը չափազանց ճգնաժամային է։ Հետևաբար, քաղաքի ջեռուցման և ջրամատակարարման համակարգերի աշխատանքը նույնպես տուժել է», — գրել է նա իր Telegram ալիքում։
Կիևում էլեկտրաէներգիայի, ջրի և ջեռուցման հետ կապված խնդիրները Կլիչկոն վերագրել է Կիևի և Ժիտոմիրի մարզերի էներգետիկ օբյեկտների վնասմանը։
Հինգշաբթի օրը Կիևի քաղաքապետը հայտարարել է, որ քաղաքի կենսաապահովման համակարգերի կայուն գործունեությունը «լուրջ հարցականի տակ է»։
Ուկրաինայի էներգետիկ հետազոտությունների կենտրոնի տնօրեն Ալեքսանդր Խարչենկոն նոյեմբերի 4-ին հայտարարել է, որ Կիևի սեփական էլեկտրաէներգիան ոչնչացվել է և չի կարող լիովին վերականգնվել։
Ավելի վաղ ուկրաինական լրատվամիջոցները հայտնել են, որ գիշերը Կիևում պայթյուններ են տեղի ունեցել հինգ անգամ։
Ուկրաինայի թվային վերափոխման նախարարության առցանց քարտեզի համաձայն՝ մայրաքաղաքում, ինչպես նաև Կիևի, Ժիտոմիրի, Չեռնիգովի, Վիննիցայի, Կիրովոգրադի, Չերկասիի, Պոլտավայի, Սումիի և Խարկովի մարզերում օդային հարձակման վտանգ է հայտարարվել։
