Գերմանիայի կանցլեր Օլաֆ Շոլցը երկուշաբթի Կիև այցելելուց հետո կրկին վստահեցրել է, որ թույլ չի տա հարվածներ հասցնել Ռուսաստանի տարածքի խորքերը և Ուկրաինային Taurus թևավոր հրթիռներ չի մատակարարի։ Այս մասին գրում է ՏԱՍՍ-ը:
«Ես կշարունակեմ ամեն ինչ անել, որպեսզի Ռուսաստանի և ՆԱՏՕ-ի միջև սրացում չլինի, պատերազմ չլինի: Հետևաբար, իմ կարծիքով, իմ որոշումները մնում են միանգամայն ճիշտ. մենք թույլ չենք տա հարվածներ հասցնել Ռուսաստանի տարածքի խորքին մեր կողմից հասցված վտանգավոր զինատեսակներով»,- ասել է նա՝ Բունդեսթագում հանդես գալով կառավարության հայտարարությամբ։
Նա կոչ է արել «հանգստություն պահպանել» Կիևին աջակցելու որոշումներ կայացնելիս:
