«Մենք այս ամբողջ տարվա ընթացքում առաջնահերթ ենք համարել, որ յուրաքանչյուր պետական մարմին իր առջև ունենա առնվազն երեք, որոշ դեպքերում չորս, հինգ կարևոր հարցեր, որոնք կապված են այն նպատակի հետ ինչի շուրջ այդ ինստիտուտն աղքատանում է»,- այս մասին պետական մարմինների ներկայացուցիչների առաջին համաժողովի ընթացքում ասել է փոխվարչապետ Տիգրան Խաչատրյանը:
«Վերջին 10 տարիների ընթացքում ԵՄ գրեթե բոլոր երկրների պետական համակարգում կառավարման մարմիններում ներգրավված մարդկանց վարձատրոթյունը մոտ 10%-ով ավելի բարձր է, քան համարժեք աշխատանքի դիմաց վճարում է մասնավոր հատվածը: Սա միայն ցուցանիշ չէ՝ սրա տակ ընկած է պատմություն: Մեր կարծիքով, համակարգը պետք է լինի այնպիսին, որ բոլորի համար մշտապես մոտիվացիա ստեղծվի անընդհատ կատարելագործվելու ու կրթվելու»,-հավելել է նա:
«Մարդիկ արդեն սովորել են, որ այն, ինչ կոչվում է պարգևավճար իրենց լավ աշխատանքի դիմաց, սա մի աշխատավարձի բաղադրիչ է, որն ավելացվել է իրենց աշխատավարձին: Այստեղ պետք է շատ հստակ լինի այն ընկալումը, որ սա աշխատանքի գնահատման արդյունքում և դրա չափման դիմաց տրվող խրախուսական հավելավճար է լինելու: Հավանական է, որ առաջիկա ամիսների աշխատանքի ընթացքում կտեսնենք նորանոր հարցեր, որոնք դեռ պարզաբանված կամ կարգավորված չեն: Մենք պետք է փորձենք ուղեկցող աշխատանքի եղանակով լսել, հասկանալ և կարգավորել»,- ասել է Խաչատրյանը: