Ըստ ոստիկանության օպերատիվ հաղորդագրությունների ամփոփագրերի՝ փետրվարի 11-12-ը ՆԳՆ ոստիկանության ստորաբաժանումները բացահայտել են հանցագործության 136 դեպք:
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 24, թմրանյութի հայտնաբերման՝ 21, պարտադիր զինվորական զորակոչից խուսափելու՝ 19, խարդախության՝ 14, ֆիզիկական ներգործության՝ 9, հոգեկան ներգործության ու անձնական ունեցվածքի գողության՝ 4-ական, մարմնական վնասվածք պատճառելու, պաշտոնեական կեղծիքի կամ անփութության և ինքնիրավչության՝ 3-ական, վստահված գույքի հափշտակման, ապօրինի ձեռնարկատիրական գործունեության, գույքը ոչնչացնելու կամ վնասելու, թմրանյութի իրացման, ծառերը, թփերը ապօրինի հատելու, կեղծ փաստաթղթի ու ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու՝ 2-ական, խոշտանգման, ավազակության, շորթման, խուլիգանության, զենքի-զինամթերքի առգրավման, բուժաշխատողի կողմից մասնագիտական պարտավորությունները չկատարելու, սառը զենքի հայտնաբերման, դատական ակտը չկատարելու կամ դրա կատարմանը խոչընդոտելու, տրանսպորտային միջոցի կամ հրազենի նույնականացման տարրերը կեղծելու կամ ջնջելու, անձի տիրապետությունից դուրս գույքին տիրանալու, ընդերքի պահպանման կամ օգտագործման պահանջները խախտելու, հարկերը, տուրքերը կամ այլ վճարներ չվճարելու ու հրապարակային սակարկություններ կամ գնումներ անցկացնելու՝ 1-ական դեպք։
Նախկինում կատարված հանցագործություններից բացահայտվել է շորթման՝ 2, այլ հանցագործության և մարմնական վնասվածք պատճառելու՝ 1-ական դեպք։
Հայտնաբերվել է 2 հետախուզվող, կամավոր ներկայացել է 2-ը։
Հայտնաբերվել է 1 անհայտ կորած։
Գրանցվել է զենք-զինամթերքի կամավոր հանձման 3 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար․ 17 անձ ստացել է տարբեր աստիճանի մարմնական վնասվածքներ։
