Ռուսաստանի նախագահ Վլադիմիր Պուտինի հետ հանդիպման ժամանակ ՀՀ վարչապետ Նիկոլ Փաշինյանը հայտարարել է, որ Ղարաբաղը Հայաստանի հետ վերամիավորելու շարժումը չպետք է շարունակվի։
«Ինչ վերաբերում է Ղարաբաղի հետ կապված հարցերին, ես արդեն շատ թափանցիկ և հրապարակային հայտարարել եմ Հայաստանի Հանրապետությունում, որ մենք չպետք է շարունակենք ղարաբաղյան շարժումը, քանի որ արդեն խաղաղություն է հաստատվել Հայաստանի և Ադրբեջանի միջև։ Եվ Հայաստանը, և Ադրբեջանը 1991 թ.Ալմա-Աթայի հռչակագրի հիման վրա ճանաչել են միմյանց տարածքային ամբողջականությունը, քաղաքական անկախությունը, ինքնիշխանությունը», — հայտարարել է Փաշինյանը։
Ըստ նրա, սա նշանակում է, որ կողմերը փոխադարձաբար ճանաչում են, որ «անկախ Հայաստանը 100%-ով նույնական է Խորհրդային Հայաստանին, իսկ անկախ Ադրբեջանը՝ 100%-ով նույնական է Խորհրդային Ադրբեջանին»։
