Այսօր կառավարության նիստում վարչապետ Փաշինյանը հայտարարեց, թե Հայաստանը դուրս է բերել զարգացման նոր ուղեծիր.
«Ինձ համար ակնհայտ է եւ ուրախալի է, որ մենք ըստ էության այն ռազմավարությունը, որ մտածել ենք, ճիշտ է եւ արդարացված է միանշանակ: Ես համոզվում եմ, որ այդ թվում մեր ներդրումային ծրագրերի շնորհիվ, մենք Հայաստանը դուրս ենք բերել զարգացման նոր ուղեծիր, ինչը կարեւոր ու ուրախալի լուր է մեզ համար»:
Նա շնորհակալությունը հայտնեց թիմակիցներին կատարած աշխատանքների համար:
Փաշինյանը սկսեց արդարացնել այն թերությունները, որոնք նկատել էր մարզեր դպրոցների եւ այլ ենթակառուցվածքների շինարարության ժամանակ.
«Ես էս վերջերս մեր գործընկերների հետ կիսել եմ, ասում եմ՝ հա, վեր կացանք ու հայտարարեցինք, որ 300 դպրոց, 500 մանկապարտեզ պիտի կառուցենք ու լավ արեցինք, բայց մենք պետք է հաշվի առնենք մի բան՝ եթե մենք ուզում էինք այդ պրոբլեմները չունենայինք, պետք է առնվազն նախորդող շրջանում 100 դպրոցի կառուցման փորձ լիներ ՀՀ-ում, որ ասեինք՝ դե 100 դպրոց կառուցել ենք, գիտենք: Հիմա մենք եւ կառուցում ենք, եւ սովորում ենք»:
