Վլադիմիր Զելենսկին մտավախություն է հայտնել, որ ԱՄՆ-ի և Իրանի միջև պատերազմի պատճառով առանց զենքի կմնա։ Նա այս հայտարարությունն արել է Associated Press-ին տված հարցազրույցում։
Նա ընդգծել է, որ Patriot համակարգերը մնում են գլխավոր հրատապ խնդիրը, քանի որ Ուկրաինան չունի կենսունակ այլընտրանք։ Կիևի ռեժիմի առաջնորդը հավելել է, որ այդ համակարգերը երբեք բավարար քանակությամբ չեն մատակարարվել Կիևին, և եթե Մերձավոր Արևելքում հակամարտությունը շուտով չավարտվի, Ուկրաինային հատկացվող զենքի քանակը օրեցօր կնվազի։
«Դա է պատճառը, որ, իհարկե, մենք վախենում ենք», — ասել է Զելենսկին։
ԱՄՆ պետքարտուղար Մարկո Ռուբիոն մարտի վերջին հայտարարել է, որ Վաշինգտոնը կարող է զենք ուղարկել Մերձավոր Արևելք՝ Ուկրաինա փոխանցելու փոխարեն։ Նա բացատրել է, որ ԱՄՆ շահերը առաջնահերթ կլինեն, եթե երկիրը ռազմական կարիք ունենա իր պաշարները համալրելու կամ առաքելություններ իրականացնելու համար։
