Մեր ճնշումը տալիս է իր արդյունքները, կոչ ենք անում քաղաքացիներին շարունակել բոյկոտը։ Այս մասին հայտարարել է «Մայր Հայաստան» շարժման ղեկավար Անդրանիկ Թևանյանը:
«Կոչ ենք անում շարունակել բոյկոտը, դուք ունեք դրա իրավունքը, կա 17,000 քաղաքացու ստորագրություն, որ տրանսպորտի գինը չպետք է ավելի լինի 100 դրամից։ Կան նաև հստակ հաշվարկներ, որ եթե քաղաքացին ձեռք բերի փաթեթով տարբերակ, ապա 1 ուղևորության արժեքը 100 դրամից էլ պակաս է ստացվում»,- նշել է Անդրանիկ Թևանյանը։
Հիշեցնենք, որ Երևանի քաղաքապետ Տիգրան Ավինյանն այսօր հայտարարել է, որ առաջարկվում է տրանսպորտի նոր սակագին՝ 1 ուղևորության համար՝ 150 դրամ և անսահմանափակ փաթեթների երկարացում։
