Մեր խնդիրն է՝ մինչև ընտրություններ ունենալ նոր Սահմանադրության տեքստ: Այս մասին 2024 թվականն ամփոփող ասուլիսի ժամանակ ասաց ՀՀ արդարադատության նախարար Սրբուհի Գալյանը:
«Մեր խնդիրն է՝ մինչև ընտրություններ ունենալ նոր Սահմանադրության տեքստ, և մեր աշխատանքները պետք է տանենք հենց այդ ուղղությամբ»,- ասել է նա:
Գալյանը նաև ասել է, որ առաջիկա 5 տարիների ընթացքում նախատեսվում է, որ ունենան ստանդարտացված դատական շենքեր, որոնք կհամապատասխանեն միջազգային չափանիշներին, և այս համատեքստում նախատեսում են կառուցել 2 կամ 3 նոր շենք:
«Հստակ որոշում չկա դեռ՝ որ դատարանների համար, այսինքն՝ թե որ դատավարություններն այդ շենքերը կսպասարկեն, բայց ամեն դեպքում այս պահի դրությամբ առնվազն առկա է որոշում, որ պետք է գնանք դատարանների շենքային պայմանների բարելավման, միջազգային ստանդարտներին համահունչ չափանիշների սահմանման և դատարանների նոր շենքեր ունենալու ճանապարհով»,- ասաց նա:
