Մեր վերադարձը ՀԱՊԿ չենք տեսնում, ասել է Արարատ Միրզոյանը Երևանում կայացած ասուլիսի ժամանակ՝ արձագանքելով ՀԱՊԿ-ից Հայաստանի հնարավոր դուրս գալու և անդամավճարները չվճարելու վերաբերյալ կառույցի նախկին գլխավոր քարտուղարի հայտարարություններին:
«Մենք վաղուց ի վեր դադարեցրել ենք մեր մասնակցությունը այդ կառույցի աշխատանքներին, սառեցրել ենք մեր անդամակցությունը։ Ինչ վերաբերում է մեկնաբանություններին, ապա իզուր են անում․ մենք մեր վերաբերմունքը չենք փոխելու և մեր վերադարձը ՀԱՊԿ չենք տեսնում»,- ասել է նա:
Հիշեցնենք որ ՀԱՊԿ նախկին գլխավոր քարտուղար Նիկոլայ Բորդյուժան հայտարարել էր, որ Հայաստանին պետք է հեռացնել Հավաքական անվտանգության պայմանագրի կազմակերպությունից, քանի որ նա չի մասնակցում դրա աշխատանքներին, բայց միևնույն ժամանակ նրա հետ պետք է համաձայնեցվեն բոլոր որոշումները:
