Միջազգայնագետ, Ամերիկյան հետազոտությունների հայկական կենտրոնի տնօրեն Սուրեն Սարգսյանը կոչ է անում չանհանգստանալ, որ Հայաստանը միանում է «Իսլամական պետությանը» պարտության մատնելու կոալիցիային:
«Մի հատ էլ կրոնական ազատության ալիանսի 2020թ. միացանք ու բացարձակապես ոչինչ դրան չտվեցինք ու չստացանք: Միևնույն է՝ ոչինչ չենք կարողանում կապիտալիզացնել»,- Facebook-ում գրել է Սարգսյանը։
Հիշեցնենք՝ հունվարի 14-ին Վաշինգտոնում կայացել է Հայաստանի Հանրապետության և Ամերիկայի Միացյալ Նահանգների միջև ռազմավարական գործընկերության մասին կանոնադրության ստորագրումը։
ՀՀ ԱԳ նախարար Արարատ Միրզոյանը հայտարարել է, որ Հայաստանը միանալու է «Իսլամական պետության» դեմ կոալիցիային։
«Հայաստանը մտադիր է միանալ «Իսլամական պետությանը պարտության մատնելու գլոբալ կոալիցիային»՝ հավելյալ ընդգծելով մեր նվիրվածությունը միջազգային ահաբեկչության դեմ պայքարին: Մենք հավատում ենք, որ համատեղ գործողություններն էական նշանակություն ունեն այս սպառնալիքը հասցեագրելու գործում»,- նշել է նա։
