Գյումրու քաղաքապետ Վարդան Ղուկասյանը, ով կալանավորված է, ուղերձ է հղել Ուսանողների միջազգային օրվա առթիվ։
«Շնորհավորում եմ ձեզ՝ ուսանողների միջազգային օրվա առթիվ: Այդ տարիները յուրահատուկ են. ուսանողական տարիներին եք առաջին անգամ ինքներդ ձեզ բացահայտում, ինքնուրույն որոշումներ կայացնում, ծանոթանում նոր ընկերների հետ և ստեղծում հիշողություններ, որոնք մի ամբողջ կյանք ձեզ հետ կլինեն:
Ձեր էներգիան, հետաքրքրասիրությունն ու համառությունը հենց այն ուժն է, որը կարող է փոխել աշխարհը: Թող այդ տարիները լինեն լի նոր գաղափարներով, վերելքներով և ինքնակատարելագործմամբ:
Մի վախեցեք նորարարություններից, եղեք համարձակ, ստեղծեք, պրպտեք, առաջ ընթացեք, որպեսզի ձեր ձեռքբերումներով եւ նվաճումներով կարողանաք ծառայել մեր սուրբ հայրենիքին ու ժողովրդին։
Կրկին շնորհավորում եմ ու մաղթում, որ ուսանողական ճանապարհը լինի ուրախությամբ, ոգևորությամբ և անսահման հնարավորություններով լի»,- ասվում է ուղերձում։