Միգրացիայի և քաղաքացիության ծառայությունը տեղեկացնում է, որ 2026 թվականի հունվարի 20-ին ընդունված «ՀՀ տոների և հիշատակի օրերի մասին» օրենքում կատարված լրացման համաձայն՝ հունվարի 27-ը սահմանվել է ոչ աշխատանքային օր։
Քաղաքացիների հարմարավետությունն ապահովելու նպատակով Ծառայությունը չի չեղարկում արդեն իսկ կատարված ամրագրումները և հունվարի 27-ին նախապես հերթագրված քաղաքացիներին կսպասարկի 2026 թվականի հունվարի 24-ին՝ շաբաթ օրը։
Ծառայությունից հայտնում են, որ ինչպես migration.e-gov.am հարթակի, այնպես էլ EarlyOne հավելվածի միջոցով հունվարի 27-ին հերթագրված անձինք կսպասարկվեն հունվարի 24-ին՝ իրենց ամրագրված ժամերին համապատասխան։
Քաղաքացիներին հորդորում են սպասարկման վայր ներկայանալ ամրագրված այցի ժամից առնվազն 15 րոպե շուտ։
Միևնույն ժամանակ հիշեցվում է, որ հունվարի 24-ին սպասարկումը կկազմակերպվի բացառապես հունվարի 27-ին հերթագրված անձանց համար։ Նույն օրը կտրամադրվեն նաև 2026 թվականի հունվարի 23-ի դրությամբ հանձնելու ենթակա անձնագրերն ու նույնականացման քարտերը։