Կոլումբիայի համալսարանի իրավունքի դպրոցում դասախոսության ժամանակ մի կարևոր հարցի եմ անդրադարձել, որը հետաքրքրում էր բոլորին։ Նման գրառում է արել «Միասնության թևեր» քաղաքական նախաձեռնության ղեկավար, նախկին ՄԻՊ Արման Թաթոյանը։
«Սա իմ միանշանակ դիրքորոշումն է. միջազգային իրավունքն ու միջազգային դատարաններն ունեն անփոխարինելի կարևորություն, բայց մինչև պետությունը չունենա ինքն իրեն պաշտպանելու քաղաքական, մասնագիտական կարողություն, անվտանգության ամուր համակարգ ու բանակ, չի կարողանալու նաև ինքն իրեն պաշտպանել աշխարհում:
Եթե չկարողացար ինքդ քո հարցերն առաջ տանել, ամեն ինչ, այդ թվում` միջազգային իրավունքը կմնա թղթի վրա»,-գրել է Թաթոյանը։
