Քաղաքագետ Ստեփան Դանիելյանը գրել է.
«Ովքեր դեռ այդպես էլ չեն հասկացել, թե ինչ է իրենից ներկայացնում «իրական Հայաստան» ասված «գաղափարախոսությունը»՝ մի քանի թեզով պարզ ներկայացնեմ։
– Մենք շրջափակված ենք Թուրքիայով և Ադրբեջանով եւ այս «իրողությունը» չենք կարող փոխել։
– Մեր ոչ հեռավոր նախնիները դա չեն հասկացել, չեն ցանկացել ապրել Թուրքիայի ու Ադրբեջանի կազմում, ապստամբել են ու պատժվել են։
– Մեր թշնամությունը թուրքերի հանդեպ օգտագործել են օտար ուժերն՝ իրենց իմպերիալիստական նպատակների համար։
Դրա համար մենք պետք է ընկալենք այս «իրողությունն» ու.
– կատարենք բոլոր պահանջները,
– մոռանալ Ցեղասպանությունը, որի համար մենք ինքներս ենք մեղավոր, քանի որ անկախ պետականություն ենք ցանկացել,
– հրաժարվել Արցախից, ինչը գիտակցված արել է «Իրական Հայաստան» կառուցող գործող իշխանությունը,
– փոխել մշակույթը, պատմության դասագրքերը, ջնջել անցյալի գրականությունը, որոնք ներծծված են ազգայնականությամբ եւ հակաթրքությամբ,
– այս, թե այն ձեւակերպմամբ զիջել Սյունիքը, որը թյուրքական աշխարհի խոչընդոտն է, գուցե նաեւ՝ Սևանի մի հատվածը,
Այս ամենն անելուց հետո, թուրքերը մեզ կխղճան, հիմնավոր պատճառ չեն ունենա մեզ հետ թշնամություն անելու եւ մենք ներկա Հայաստանի որոշ հատվածից կստանանք «Իրական Հայաստան» եւ, գուցե, կկարողանանք գոյություն պահպանել։
Սրանք մշակված թեզեր են, որի գաղափարախոսն է Ժիրայր Լիպարիտյանը, ՔՊ-ի, եւ ոչ միայն ՔՊ-ի, հոգևոր հայրը»։
