ՀՀ արդարադատության նախարար Գրիգոր Մինասյանին պաշտոնանկության հարցով Նիկոլ Փաշինյանին դիմելու համար ՔՊ խմբակցությունում ստորագրահավաք են սկսել: Մեր տեղեկություններով՝ մոտ երկու տասնյակ ստորագրություն կա: 24 ստորագրություն հավաքելու դեպքում նախարարին հեռացնելու հարցը կքննարկվի, քանի որ, ըստ Կուսակցության կանոնադրության, եթե 1/3-ը պաշտոնյայի պաշտոնանկության հարց բարձրացնի ու դիմի ՔՊ ղեկավարին, դա պետք է քննարկման առարկա դառնա, բայց մեծ հաշվով որոշողը Փաշինյանն է:
Թե ինչու են ուզում Գրիգոր Մինասյանին պաշտոնանկ անել՝ այսօր ՔՊ խմբակցության պատգամավոր Հովիկ Աղազարյանը «Ազատության» հետ զրույցում այսպես էր բացատրել, թե մի պատճառն այն է, որ գիտենք Մինասյանի «հայրն ու եղբայրն ովքեր են»։
Tribune.am-ի հետ զրույցում Հովիկ Աղազարյանն ասաց, որ որևէ ժամկետ սահմանված չէ ստորագրահավաքի համար, 24 ստորագրություն հանգիստ կարող են հավաքել լիագումար նիստերի օրն էլ:
