Tribune.am-ի տեղեկություններով՝ ԱԱԾ-ն «Զվարթնոց» օդանավակայանում ձերբակալել է Արցախի հերոս Ռուստամ Գասպարյանի եղբորը՝ «Սև Հովազ» ռազմահայրենասիրական ՀԿ ղեկավար, արցախյան պատերազմների մասնակից Սերոբ Գասպարյանին:
Նրան տարել են ԱԱԾ, այնուհետեւ տեղափոխել Քննչական ու մեղադրանք առաջադրել հանցավոր խումբ ստեղծելու, ինչպես նաեւ Քրեական օրենսգրքի 419 հոդվածի առաջին մասի հատկանիշներով, այն է՝ «Իշխանությունը զավթելը` բռնություն գործադրելու կամ բռնություն գործադրելու սպառնալիքի միջոցով, ինչպես նաև Սահմանադրությամբ չնախատեսված այլ եղանակով Հանրապետության նախագահի, Ազգային ժողովի, Կառավարության կամ Սահմանադրական դատարանի լիազորություններին տիրանալը»: Նրան սպառնում է պատիժ ազատազրկում՝ 10-15 տարի ժամկետով:
Աջափնյակի դատարանում երեկ ուշ գիշերով քննարկվել է Սերոբ Գասպարյանի կալանքի հարցը ու 2 ամսով դատարանը որոշել է կալանավորել Գասպարյանին:
