ԱՄՆ նախագահ Դոնալդ Թրամփին ուղղված ծննդյան շնորհավորական ուղերձում ՀՀ վարչապետ Նիկոլ Փաշինյանը նշել է, որ անհամբեր սպասում է իր վարչակազմի հետ ավելի շատ համաձայնագրեր կնքելու հետագա հնարավորություններին։
Ուղերձում Փաշինյանը ծննդյան շնորհավորանքներ է հղել «մեծ առաջնորդին և սիրելի ընկերոջը», որի «ուժեղ առաջնորդությունը և համարձակ տեսլականը» «շարունակում են Ամերիկան կրկին մեծ դարձնել»։
«Մենք բարձր ենք գնահատում Ձեր դերը օգոստոսի 8-ին (2025թ.) Սպիտակ տանը ԱՄՆ-ի, Հայաստանի և Ադրբեջանի առաջնորդների միջև կայացած պատմական խաղաղության գագաթնաժողովում։ Մենք անհամբեր սպասում ենք Ձեր վարչակազմի հետ ավելի շատ պատմական համաձայնագրեր կնքելու հնարավորությանը», — ասվում է X սոցիալական մեդիա հարթակում հրապարակված ուղերձում։
2025 թվականի օգոստոսի 8-ին, Փաշինյանի և Ադրբեջանի նախագահ Իլհամ Ալիևի միջև ԱՄՆ նախագահ Թրամփի հետ հանդիպումից հետո, հայկական կողմը համաձայնել է համագործակցել Վաշինգտոնի և երրորդ կողմերի հետ՝ «Թրամփի երթուղին» ստեղծելու համար։ Այս երթուղին նախատեսում է Ադրբեջանի մայրցամաքի և նրա Նախիջևանի ինքնավար մարզի միջև տրանսպորտային կապերի ապաշրջափակում Հայաստանի միջոցով։ Ինչպես Փաշինյանը հայտարարեց 2025 թվականի օգոստոսի 9-ին, երթուղին ներառում է նավթի և գազի պոտենցիալ խողովակաշարեր, էլեկտրահաղորդման գծեր, ինտերնետային մալուխներ և երկաթուղի՝ Երևանի և Բաքվի միջև՝ Իրանին սահմանակից երկաթուղային գծի երկայնքով։
