Փաշինյանը X սոցիալական ցանցում ցավակցություն է հայտնել Հնդկաստանի վարչապետ Նարենդրա Մոդիին ավիավթարի կապակցությամբ։
«Խորապես վշտացած եմ Ահմադաբադում ուղևորատար ինքնաթիռի ողբերգական վթարի լուրից։ Մեր անկեղծ ցավակցությունն եմ հայտնում Նարենդրա Մոդիին և Հնդկաստանի բարեկամ ժողովրդին։ Մեր աղոթքները բոլոր զոհերի, բոլոր տուժածների և նրանց ընտանիքների հետ են»,- ասվում է գրառման մեջ։
Ինքնաթիռում 242 մարդ է եղել՝ 230 ուղևոր (169 Հնդկաստանի քաղաքացի, 53 Մեծ Բրիտանիայի քաղաքացի, 7պորտուգալացի և 1 կանադացի), 2 օդաչու և 10 ուղեկցորդուհի, ողջ մնացածներ չկան։
