Գործարար, բարերար Սամվել Կարապետյանին առաջադրված մեղադրանքը փոխվել է: Այս մասին լրատվամիջոցներին հայտնել են Քննչական կոմիտեից։
«Մեղադրանքը փոփոխվել է և ավելացվել են Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերը (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացումը)»,- հայտնել են ՔԿ-ից։
Հիշեցնենք, որ ավելի վաղ հայտնել էինք, որ Սամվել Կարապետյանի փաստաբանական խումբը հանդես է եկել հայտարարությամբ, որում ասվում է. «Դատախազության համար բավարար չէ, որ շուրջ 110 օր կալանավորված է Սամվել Կարապետյանը, պետք է նաև տնտեսական բնույթի աբսուրդային մեղադրանքով ևս հաստատվեր հիմնավոր կասկածը»:
