Ռուսական անօդաչու թռչող սարքի ներխուժումը Լեհաստան միտումնավոր էր, հայտարարել է ԵՄ դիվանագիտության ղեկավար Կայա Կալլասը:
«Երեկ երեկոյան Լեհաստանում մենք ականատես եղանք Ռուսաստանի կողմից Եվրոպայի օդային տարածքի ամենալուրջ խախտմանը պատերազմի սկզբից ի վեր, և կան նշաններ, որ դա արվել է միտումնավոր, այլ ոչ թե պատահաբար։
Ռուսաստանի պատերազմը չի ավարտվում, այլ նոր թափ է ստանում»,- գրել է Կալլասը X-ի իր էջում:
Հիշեցնենք, որ Լեհաստանի վարչապետ Դոնալդ Տուսկը հայտարարել է, որ գիշերը Ռուսաստանը խախտել է Լեհաստանի օդային տարածքը:
