«Честный знак» պետական մակնշման համակարգը դադարեցրել է հայկական «Ջերմուկ» հանքային ջրի խմբաքանակի վաճառքը օֆլայն և օնլայն խանութներում։ Ինչպես РБК-ին հայտնել է Թվային տեխնոլոգիաների զարգացման կենտրոնի (մակնշման օպերատոր) փոխգլխավոր տնօրեն Ռևազ Յուսուպովը, շրջանառության մեջ գտնվել է 338 հազար շիշ, որոնք այժմ արգելափակված են մինչև ստուգման ավարտը։
Շրջանառության դադարեցման պատճառ է դարձել Ռոսպոտրեբնադզորի նամակը, որտեղ գերատեսչությունը նշել է «Ռուսաստանի քաղաքացիների կյանքի և առողջության հնարավոր վնասը կանխելու նպատակով անհապաղ միջոցներ ձեռնարկելու անհրաժեշտության» մասին։
Արգելափակման պատճառ են անվանել «պարտադիր պահանջների խախտումները»։
Արգելքի տակ է հայտնվել 2026 թվականի փետրվարի 17-ին և մարտի 5-ին արտադրված արտադրանքը։
