Ռուսաստանը շահագրգռված չէ ՆԱՏՕ-ի երկրների և Նորվեգիայի հետ առճակատման մեջ, բայց սպառնալիքն առանց համարժեք պատասխանի չի թողնի: Այս մասին ՌԻԱ Նովոստիին տված հարցազրույցում հայտարարել է Օսլոյում Ռուսաստանի դեսպան Նիկոլայ Կորչունովը:
«Ռուսաստանը ոչ մեկի համար սպառնալիք չի ներկայացնում և հետաքրքրված չէ Նորվեգիայի կամ ՆԱՏՕ-ի որևէ այլ երկրի հետ զինված կամ «հիբրիդային» բախման մեջ, բայց չի թողնի իրեն ուղղված սպառնալիքները առանց համարժեք արձագանքի», — ասել է Կորչունովը՝ պատասխանելով գործակալության հարցին դաշինքի «Արկտիկական պահապան» առաքելության և տարածաշրջանում անվտանգության վրա դրա ազդեցության մասին։
