Եվ, այնուամենայնիվ, դժվարանում եմ հասկանալ, թե «թափառող հավատացյալների հոտը», որոնց կարելի է մի վինետկայի մեջ տեղավորել, ի՞նչն է ծափահարում, գրել է ԱԺ «Հայաստան» խմբակության անդամ Լիլիթ Գալստյանը:
«Իր 5000 զավակների եղերական մա՞հը,
Երեք հազարամյա հայկական Արցախի էթնիկ զտումն ու կորո՞ւստը,
Բաքվում հայ ռազմագերիների ու Արցախի քաղաքական ղեկավարության կեղեքումն ու մեր հավաքական նվաստացո՞ւմը,
Արևմտյան Ադրբեջանի օրեցօր մոտեցող ուրվակա՞նը,
Ադրբեջանական զորամիավորումների կողմից բռնազավթված ՀՀ 210 քկմ-ն,
1700 -ամյա Հայ Առաքելական Սուրբ եկեղեցու թրքաբարո ասպատակությո՞ւնը,
Արցախի հայկական հետքի բարբարոսական ոչնչացո՞ւմը,
Հայաստանի միջազգային նվաստացո՞ւմը,
Շարունակվող կապիտուլյացիա՞ն,
Քաղաքական բանտարկյալների առկայությո՞ւնը,
Խորացող բռնատիությո՞ւնը,
Մեղրիից պոկվող միջա՞նցքը,
Պառակտված ու խելագարության շեմին ապրող հասարակությունը,
Թե՞ համապարփակ քաղաքական ու բարոյական կոլապսն ու ուրացումը։
Ի՞նչը…», — գրել է նա։
