Արշակ արքեպիսկոպոս Խաչատրյանի կալանքի ժամկետը երկարաձգելու վերաբերյալ միջնորդության շուրջ դատարանի որոշումը կհրապարակվի վաղը՝ ժամը 11:30-ին։ Այս մասին լրագրողների հետ զրույցում հայտնել է փաստաբան Արսեն Բաբայանը։
Նրա խոսքով՝ ինչպես պաշտպանական թիմը, այնպես էլ Արշակ Սրբազանը դատարանից ստացել են հակասական տպավորություններ։ «Դատարանում մենք իրավական քննարկմամբ չէինք զբաղվում»,– նշել է Բաբայանը։
Մյուս փաստաբան Ռուբեն Մելիքյանն էլ հայտնել է, որ ներկայացվել է միջնորդություն՝ ավելի խստացնելու տեսակցությունների սահմանափակումը։ «Մեր համոզմունքներն էլ ավելի խորացան, որ տեղի ունեցողը իրականացվում է անձամբ «Փաշազադեի» հանձնարարությամբ»,– ընդգծել է նա։
