Շիրակի մարզպետ Մուշեղ Մուրադյանն աշխատանքից ազատման դիմում է գրել։ Կառավարության նիստի ժամանակ հայտարարեց վարչապետ Նիկոլ Փաշինյանը։
Փաշինյանը շնորհակալություն հայտնեց Մուրադյանին՝ Շիրակի մարզպետի պաշտոնում կատարած աշխատանքի համար.«Հաջողություն եմ մաղթում՝ հետագա համագործակցության հույսով և հեռանկարով»։
«Մեծարգո՛ վարչապետ, շնորհակալություն եմ հայտնում ձեր բարձր վստահության համար, շուրջ 2 տարվա ընթացքում իմ գիտելիքների, հմտությունների և լիազորությունների շրջանակում, ինչքանով կարողացել եմ, ծառայել եմ ՀՀ-ին, Շիրակի մարզի զարգացմանը։ Բազմաթիվ ծրագրեր են ձեր ու կառավարության օգնությամբ իրականացվել Շիրակի մարզում, լիահույս եմ, որ շարունակական կլինի։ Նաև շնորհակալություն եմ հայտնում Շիրակի մարզի բնակիչներին, համայնքին՝ համատեղ աշխատանքի համար, որոնց առօրյա հոգսերով ապրել եմ։ Մշտապես կլինեմ իմ թիմի կողքին»,-ասաց Մուշեղ Մուրադյանը։
