Սխալ ոտքը անդամահատած բժիշկներին ամերիկուհին դատի է տվել

Օհայոյից մի կին դատի է տվել այն հիվանդանոցին, որի բժիշկները 2025 թվականին վիրահատության ժամանակ անդամահատել են նրա սխալ ոտքը, հաղորդում է New York Times-ը՝ վկայակոչելով դատական ​​փաստաթղթերը։

Յոթանասունչորսամյա Շերոն Ջեքսը պնդում է, որ սկզբում համաձայնել է իր աջ ոտքի մի մասի անդամահատմանը։ Սակայն, 2025 թվականի սեպտեմբերին, նրա ձախ ոտքը հեռացվել է Սելբիի գլխավոր հիվանդանոցում։

Հաջորդող վիրահատությունը մեկ այլ բժշկական հաստատությունում հանգեցրել է նրա երկու ոտքերի անդամահատմանը։

Իր հայցում Ջեքսը մեղադրում է պատասխանողներին (ներառյալ հիվանդանոցը, ինչպես նաև բժշկական և վիրաբուժական թիմերը) կոպիտ անփութության, անօրինական հարձակման և հանցավոր անզգուշության մեջ։

Ըստ իր փաստաբանի, տուժողը պահանջում է փոխհատուցում և չճշտված պատժիչ վնասներ։

Հիվանդանոցի ղեկավարությունը ընդունել է սխալը՝ նշելով, որ «չի պահպանվել սահմանված վիրաբուժական ընթացակարգերը»։ Նշվում է, որ վիրահատությանը մասնակցած բժշկական աշխատողները այլևս չեն զբաղեցնում իրենց պաշտոնները։