Աշխատանքի և սոցիալական հարցերի նախարարության հաղորդմամբ՝ ԱՍՀՆ Միասնական սոցիալական ծառայությունը աջակցություն է տրամադրում գործատուներին աշխատանքի և զբաղվածության ոլորտում՝ նպատակ ունենալով լրացնել աշխատուժի պահանջարկը։
Ծառայության շրջանակում իրականացվում են մի շարք գործառույթներ, այդ թվում՝
- աջակցություն աշխատուժի պահանջարկի լրացման գործընթացում,
- տեղեկատվության տրամադրում զբաղվածությանն ուղղված ծրագրերի և միջոցառումների վերաբերյալ,
- թափուր աշխատատեղերի վերաբերյալ տեղեկատվության հավաքագրում և տարածում,
- թափուր աշխատատեղերի տոնավաճառների կազմակերպում,
- գործատուների կողմից ներկայացված չափորոշիչներին համապատասխան թեկնածուների ընտրություն,
- համապատասխան աշխատատեղերի ներկայացում ընտրված թեկնածուներին։
Այն գործատուներին, որոնք ունեն աշխատակիցների կարիք, առաջարկվում է գրանցել թափուր աշխատատեղերը www.e-work.am հարթակում կամ կապ հաստատել Միասնական սոցիալական ծառայության մոտակա տարածքային կենտրոնի, ինչպես նաև Զբաղվածության ապահովման և աշխատանքային ներուժի զարգացման վարչության հետ՝ զանգահարելով 060 65 27 17 կամ 060 65 27 01 հեռախոսահամարներով։
Նշվում է, որ Միասնական սոցիալական ծառայության կողմից գործատուներին մատուցվող բոլոր ծառայություններն անվճար են։
