Ռուսաստանի և Նոր Նախիջևանի Հայոց թեմի, Նիժնի Նովգորոդի եկեղեցական համայնքի հոգևոր հովիվ Սեբեոս քահանա Ղալաչյանը հրաժարվել է մկրտություն իրականացնել ՔՊ-ական Նարեկ Գրիգորյանի կնքահայրությամբ։ Ստիպված են եղել եկեղեցում այլ կնքահայր ընտրել, որպեսզի մկրտությունն իրականացվի։
«Անչափահասի հոգևոր ընթացքի պատասխանատուն իր կնքահայրն է։ Սա է կնքահոր դերը, միայն՝ լինելու հոգևոր ծնող, հոգևոր դաստիարակ, հոգևոր օրինակ և հոգու փրկության պատասխանատու։ Ես չգիտեմ՝ մեզ ծանոթ կնքահայրերից քանիսն են այս մտքով գալիս եկեղեցի։ հանուն ճշմարտության պետք է նշել, որ հաճախ մենք էլ շատ չենք քննում նրա ճշմարիտ քրիստոնյա լինելու հագամանքը՝ խոնարհաբար մտածելով, որ մենք չէ, որ պիտի դատենք, քննենք»,-տեղի ունեցածից հետո ասել է Սեբեոս քահանա Ղալաչյանը։
Նա ընդգծել է, բայց պետք է քննել։
«Ժամանակն է, որ մենք մի կանոն ունենաք, որի համաձայն, մենք կորոշենք, տվյալ անձնավորությունը, որքան էլ կասի ես հայ եկեղեցու զավակ եմ, անունը չեմ ուզում տալ նման զավակաների ոչ բարով, որոնք քանդում են մեր տունը… անկախ նրանից, որ ինքը կվկայի՝ ինքը քրիստոնյա է, դեռ պետք է ճշտել»,-ասել է Տեր Սերոբը։
«Ես արգելեցի իերն դառնալու կնքահայր։ Ես առաջարկեդցի սիրով իկնքել այդ բալիկին, արժանացնել սուրբ մեռոնով օծման, կատարել քառասունքի կարգը, բայցց մի պայմանով, եթե կնքահայրը կլինի գոնե հարգալից, պատկառանքով լցված մի անձնավորություն, որն ընդունում է Հայաստանյաց առաքելական եկեղեցու նվիրապետական կարգը, ով ընդունում է, որ ես բազմում մեղքերով հանդերձ ունեմ առաքյալներից ինձ հասած այդ իշխանությունը մկրտելու, կնքելու, օրհնելու, հաղորդություն տալու և այսպես շարունակ։ Անշուշտ միջադեպ տեղի ունեցավ, հնչեցին անպարկեշտ խոսքեր, այդ պատգամավորը բազմում անգամ կրկնեց՝ թող ների ինձ Վեհափառ Հայրապետը, բոլոր նրանք, ովքեր կլսեն ինձ, հնչեցնելով Վեհափառի ավազանի անունը՝ նա ինձ խոստացավ, որ պարանոցից բռնած Վեհափառին պետք է Վեհարանից դուրս շպրտի։ Ես ունե՞ի իրավունք թույլ տալու, որ նա կնքահայր լիներ։ Արդյոք ես իրավունք ունե՞ի թույլ տալու այդ ոչ պատգամավորին՝ կրելու այն պատիվը, որ կրում է կնքահայրը հայոց եկեղեցում։ Թող պատասխանի ինձ»,- ասել է Տեր Սեբեոսը:
Նշենք, որ սույն ՔՊ-ականը տարբեր հարցազրույցներում պաշտպանել է Նիկոլ Փաշինյանի արշավը եկեղեցու դեմ: Նա նշել է. «Վարչապետի բառապաշարը շատ մեղմ է։ Դոմփել ասելը շատ մեղմ է»:
