«Տաշիր» ընկերությունների խմբի նախագահ, բարերար Սամվել Կարապետյանը գիշերը ժամը 3-ի սահմաններում փոխոստիկանապետի ուղեկցությամբ առանձնատնից դուրս է եկել և իրավապահ մարմինների ուղեկցությամբ ավտոմեքենայով հեռացել։
Մինչ այդ նա դիմել է հավաքվածներին. «Ասելիքս նույնն է՝ մեր եկեղեցու կողքին եմ, մեր ժողովրդի կողքին եմ։ Ինչքան էլ փորձեն սևացնել…. ոչ մի էլեկտրական ցանց, թքած ունեմ իրեց վրա էլ, իրենց էլեկտրական ցանցի վրա էլ, ամեն ինչ լավ է լինելու։ Ժողովուրդը մեկ է՝ իր խոսքն ասելու է, իրենք հասկանալու են, որ սխալվել են»։
«Բոլորիցդ շատ գոհ եմ, բայց չմոռանաք մի հատ լավ դաս կտաք սրանց», – նշել է նա։
