ԱՄՆ նորընտիր նախագահ Դոնալդ Թրամփն օգնականներին հանձնարարել է երդմնակալությունից հետո մի քանի օրվա ընթացքում հեռախոսազրույց կազմակերպել ՌԴ նախագահ Վլադիմիր Պուտինի հետ, հայտնում է CNN-ը՝ հղում անելով աղբյուրներին։
Նրանց խոսքով, զրույցի նպատակներից մեկը կլինի առաջիկա ամիսներին անձնական հանդիպման քննարկումը, որպեսզի փորձեն «վերջ դնել» Ուկրաինայում ռազմական գործողություններին։
Ինչպես ասել է հեռուստաալիքի զրուցակիցներից մեկը, Թրամփը համոզված է, որ «Պուտինի հետ ուղղակի փոխգործակցությունը հենց այն է, ինչ անհրաժեշտ է լուծում գտնելու համար», որը վերջ կդնի ռազմական հակամարտությանը։
Միացյալ Նահանգների նորընտիր նախագահի ազգային անվտանգության հարցերով խորհրդական Մայք Ուոլցը հունվարի 12-ին խոսել է Դոնալդ Թրամփի և Վլադիմիր Պուտինի հանդիպման նախապատրաստական աշխատանքների մասին։ ՌԴ նախագահի մամուլի քարտուղար Դմիտրի Պեսկովը պարզաբանել է, որ շփումների կազմակերպման աշխատանքները կարող են սկսվել միայն Թրամփի երդմնակալությունից հետո, որը տեղի կունենա այսօր՝ հունվարի 20-ին։
