ԱՄՆ նախագահ Դոնալդ Թրամփը չի բացառել Գրենլանդիան ուժով գրավելու հնարավորությունը: «Մեկնաբանություններ չկան», — պատասխանել է նա NBC News-ի այս թեմայի վերաբերյալ հարցին։
Հիշեցնենք, հունվարի 17-ին ԱՄՆ նախագահը հայտարարեց Դանիայից, Նորվեգիայից, Շվեդիայից, Ֆրանսիայից, Գերմանիայից, Մեծ Բրիտանիայից, Նիդեռլանդներից և Ֆինլանդիայից ներմուծվող բոլոր ապրանքների վրա մաքսատուրքերի սահմանման մասին, որոնք ուժի մեջ կմտնեն փետրվարի 1-ից: Այս քայլը պայմանավորված էր Գրենլանդիան՝ Դանիայի ինքնավար տարածքը, բռնակցելու նրա հայտարարած մտադրության քննադատությամբ: Նոր մաքսատուրքը, ըստ Թրամփի, ուժի մեջ կմնա մինչև կղզու գնման վերաբերյալ համաձայնագրի կնքումը։
Եվրոպական երկրները դատապարտել են այս սպառնալիքը: Եվրոպական հանձնաժողովը Թրամփի գործողությունները համարում է սպառնալիք տրանսատլանտյան հարաբերություններին, մինչդեռ մյուս երկրները դա համարել են «շանտաժ, որը ոչինչ չի անում ո՛չ ՆԱՏՕ-ին, ո՛չ էլ Գրենլանդիային օգնելու համար»։
