ԱՄՆ նախագահ Դոնալդ Թրամփը հայտարարել է, որ դեմ չէ միջուկային զենքից ազատվելուն, բայց դա համարում է դժվար խնդիր։
«Ես կցանկանայի ազատվել [միջուկային մարտագլխիկներից], բայց, գիտեք, շատ դժվար է նախագահին նման դրության մեջ դնել։ Ինձ համար շատ դժվար է ասել՝ «Եկեք դրանք կիսով չափ կրճատենք»… Ես անընդհատ խոսում եմ գլոբալ ապամիջուկայնացման մասին, բայց դա շատ դժվար է», — լրագրողներին ասել է Թրամփը։
Ավելի վաղ Չինաստանի նախագահ Սի Ծինպինը կոչ էր արել լիովին արգելել և ոչնչացնել միջուկային զենքը, որը «Դամոկլեսյան սրի» պես կախված է մարդկության գլխի վերևում։ Չինաստանի առաջնորդն ընդգծել էր, որ միջուկային պատերազմ երբեք չպետք է մղվի, քանի որ այն անհնար է հաղթել։

