Թուրքիայում Ստամբուլից Իրաք ուղևորվող ուղևորատար ավտոբուսի վթարի հետևանքով վիրավորվել է 40 մարդ։
Թուրքական DHA լրատվական գործակալության փոխանցմամբ՝ վթարը տեղի է ունեցել Անկարա-Նիղդե մայրուղում՝ երկրի կենտրոնական մասում գտնվող Աքսարայ քաղաքի մոտ։
Նախնական տեղեկությունների համաձայն՝ վարորդը կորցրել է վերահսկողությունը, որից հետո ավտոբուսը դուրս է եկել ճանապարհից և շրջվել։
Վթարի հետևանքով 37 ուղևոր, երկու վարորդ և մեկ ուղեկցորդ տարբեր վնասվածքներով տեղափոխվել են Աքսարայի հիվանդանոցներ։ Հաղորդվում է, որ վիրավորների թվում կան երեխաներ։
