Ադրբեջանական գերությունից ազատ արձակված Վագիֆ Խաչատրյանը տեղափոխվում է Նորք-Մարաշ սրտաբանական կենտրոն՝ բուժում ստանալու նպատակով։ Այս մասին հայտնել է նրա դուստրը։
Ավելի վաղ ՀՀ վարչապետ Նիկոլ Փաշինյանը հայտարարել էր, որ Գևորգ Սուջյանը, Դավիթ Դավթյանը, Վիգեն Էուլջեքջյանը և Վագիֆ Խաչատրյանը Հակարի կամրջով Ադրբեջանի համապատասխան մարմինների ներկայացուցիչների կողմից հանձնվել են Հայաստանի Հանրապետության ներկայացուցիչներին և ներկայում գտնվում են ՀՀ տարածքում։
Վարչապետի խոսքով՝ Գևորգ Սուջյանը, Դավիթ Դավթյանը և Վիգեն Էուլջեքջյանը նախնական բժշկական զննությամբ առողջական խնդիրներ չունեն, իսկ Վագիֆ Խաչատրյանի առողջական վիճակը գնահատվում է բավարար։ Նրանց տեղափոխում են Երևան։
