Սուրբ Ծննդյան և գալիք Նոր 2026 թվականի կապակցությամբ Վլադիմիր Պուտինը շնորհավորական ուղերձներ է հղել օտարերկրյա պետությունների և կառավարությունների ղեկավարներին, տեղեկանում ենք Կրեմլի կայքից:
Շնորհավորական ուղերձներ են հղվել աշխարհի տարբեր երկրների գործող և նախկին ղեկավարներին։ Դրանց թվում են նաև Հայաստանի Հանրապետության բարձրաստիճան պաշտոնյաներն ու նախկին ղեկավարները։ Մասնավորապես, շնորհավորանք է հղվել ՀՀ նախագահ Վահագն Խաչատուրյանին և վարչապետ Նիկոլ Փաշինյանին, ինչպես նաև Հայաստանի երկրորդ և երրորդ նախագահներ Ռոբերտ Քոչարյանին և Սերժ Սարգսյանին։
Ձեզ ենք ներկայացնում այն երկրները և ղեկավարներին, որոնց ուղղվել են շնորհավորական ուղերձներ։
Գործող ղեկավարներից՝
- Հայաստանի Հանրապետության նախագահ Վահագն Խաչատուրյանին
- Հայաստանի Հանրապետության վարչապետ Նիկոլ Փաշինյանին
- Բելառուսի Հանրապետության նախագահ Ալեքսանդր Լուկաշենկոյին
- Ղազախստանի Հանրապետության նախագահ Կասիմ-Ժոմարտ Տոկաևին
- Ղրղզստանի Հանրապետության նախագահ Սադիր Ջապարովին
- Տաջիկստանի Հանրապետության նախագահ Էմոմալի Ռահմոնին
- Թուրքմենստանի նախագահ Սերդար Բերդիմուհամեդովին
- Թուրքմենստանի ժողովրդի ազգային առաջնորդ, «Խալք Մասլախաթի» նախագահ Գուրբանգուլի Բերդիմուհամեդովին
- Ուզբեկստանի Հանրապետության նախագահ Շավքաթ Միրզիյոևին
- Հարավային Օսիայի Հանրապետության նախագահ Ալան Գագլոևին
- Բրազիլիայի Դաշնային Հանրապետության նախագահ Լուիս Ինասիու Լուլա դա Սիլվային
- Հունգարիայի վարչապետ Վիկտոր Օրբանին
- Վենեսուելայի Բոլիվարյան Հանրապետության նախագահ Նիկոլաս Մադուրոյին
- Վիետնամի Կոմունիստական կուսակցության ԿԿ գլխավոր քարտուղար Տո Լամին
- Վիետնամի Սոցիալիստական Հանրապետության նախագահ Լուոնգ Ցուոնգին
- Հնդկաստանի Հանրապետության նախագահ Դրուպադի Մուրմուին
- Հնդկաստանի Հանրապետության վարչապետ Նարենդրա Մոդիին
- Ինդոնեզիայի Հանրապետության նախագահ Պրաբովո Սուբիանտոյին
- Չինաստանի Ժողովրդական Հանրապետության նախագահ Սի Ցզինպինին
- Կորեայի Ժողովրդա-դեմոկրատական Հանրապետության պետական գործերի նախագահ Կիմ Չեն Ընին
- Կուբայի Հանրապետության նախագահ Միգել Դիաս-Կանել Բերմուդեսին
- Լաոսի ԺԴՀ նախագահ և կուսակցության գլխավոր քարտուղար Թոնգլուն Սիսուլիթին
- Մոնղոլիայի նախագահ Ուխնագիին Խուրելսուխին
- Մյանմայի Միության Հանրապետության վարչապետ, Պետական վարչական խորհրդի նախագահ Մին Աուն Հլաինգին
- Նիկարագուայի Հանրապետության համանախագահներ Դանիել Օրտեգա և Ռոզարիո Մուրիլյոյին
- Հռոմի պապ Լևոն XIV-ին
- Սերբիայի Հանրապետության նախագահ Ալեքսանդր Վուչիչին
- Սլովակիայի Հանրապետության վարչապետ Ռոբերտ Ֆիկոին
- Ամերիկայի Միացյալ Նահանգների նախագահ Դոնալդ Թրամփին
- Թուրքիայի Հանրապետության նախագահ Ռեջեփ Թայիփ Էրդողանին
- Եթովպիայի Դաշնային Ժողովրդա-դեմոկրատական Հանրապետության նախագահ Տայե Ացկեսելասիեին
- Եթովպիայի Դաշնային Դեմոկրատական Հանրապետության վարչապետ Աբի Ահմեդին
- Հարավաֆրիկյան Հանրապետության նախագահ Սիրիլ Ռամաֆոսային
- Ադրբեջանի Հանրապետության նախագահ Իլհամ Ալիևին
- Աբխազիայի Հանրապետության նախագահ Բադրա Գունբային
Նախկին ղեկավարներ՝
Հայաստանի երկրորդ նախագահ Ռոբերտ Քոչարյանին
Հայաստանի երրորդ նախագահ Սերժ Սարգսյանին
Ղազախստանի նախկին նախագահ Նուրսուլթան Նազարբաևին
Գերմանիայի նախկին կանցլեր Գերհարդ Շրյոդերին
Կուբայի նախկին ղեկավար Ռաուլ Կաստրոին
