ԱՄՆ նախագահական ընտրություններում հաղթած Դոնալդ Թրամփը New York Post-ին տված հարցազրույցում ասել է, որ Վլադիմիր Զելենսկին ցանկանում է հրադադար և խաղաղություն։
«Զելենսկին ցանկանում է խաղաղություն հաստատել… Սա նոր բան է… Նա հրադադար է ուզում… Մենք մանրամասներ չենք քննարկել: Նա կարծում է, որ եկել է ժամանակը», — ասել է Թրամփը, ով ավելի վաղ հանդիպել էր Զելենսկու հետ Փարիզում։
Ավելի վաղ Թրամփը հայտարարել էր, որ Վլադիմիր Զելենսկին և Ուկրաինան «կցանկանային գործարք կնքել» և կոչ էր արել անհապաղ հրադադարի և բանակցությունների։ ՌԴ նախագահի մամուլի քարտուղար Դմիտրի Պեսկովը հայտնել է, որ Ռուսաստանը ծանոթացել է Թրամփի այս հայտարարությանը։ Նա ընդգծել է, որ խաղաղ բանակցությունների պայմանների մասին ավելի վաղ հայտարարել էր ՌԴ նախագահ Վլադիմիր Պուտինը, սակայն Ուկրաինան շարունակում է հրաժարվել երկխոսությունից։
